Ishyaka Isangano-ARRDC rirahamagarira abayoboke baryo gukomanyiriza ibicuruzwa bituruka mu Rwanda bigakungahaza Agatsiko JMV. MINANI

JMV Minani , Perezida w’Isangano-ARRDC Abenegihugu

  Isangano-Release-Nr-03/March/13

Tariki 18 Werurwe, 2013

ITANGAZO RIGENEWE ABANYARWANDAKAZI N’ABANYARWANDA

BINYUJIJWE KU BANYAMAKURU

SHYAKA ISANGANO-ARRDC RIHAMAGARIRA ABAYOBOKE BARYO, ABANYARWANDA BOSE N’INCUTI ZABO MURI RUSANGE KWANGA KUGURA IBICUZWA BIKORWA N’INGANDA Z’AGATSIKO.

Banyarwandakazi, Banyarwanda dukunda,

Ubuyobozi Bukuru bw’Ishyaka ISANGANO-ARRDC burasaba Abayoboke baryo aho bari hose mu Rwanda no ku migabane itandukanye kw’isi, burasaba kandi Abanyarwandakazi n’Abanyarwanda ndetse n’incuti zabo kwifatanya n’abandi banyarwanda batangije igikorwa cyo kwanga kugura ibicuruzwa biva mu nganda z’Agatsiko ka P. Kagame na FPR ye.

Muri ibyo bikorerwa muri izo nganda twavuga amazi, imitobe, amata, yawurute n’ibindi bikorwa n’Uruganda Inyange, hakaba agashya, akabanga, urwibutso, bikorwa na Nyirangarama (nawe uzwiho ko ibikorwa bye ubu biri mu maboko y’agatsiko, we akaba ari agakingirizo) hakaba isombe, ifu y’imyumbati bikorwa n’amasosiyete y’Agatsiko nka Kinazi n’abandi. hari kandi icyayi n’ikawa bitunganyirizwa mu nganda zaguzwe n’Abanyagatsiko, ndetse n’ibinyobwa bisindisha n’ibidasindisha bikorwa na Bralirwa nayo yigaruriwe n’Agatsiko, tutibagiwe n’ibindi bicuruzwa muzi byaba ibiribwa cyangwa ibikoresho muramutse mubiretse ubuzima bugakomeza.

Impamvu iduteye kubashishikariza iki gikorwa ni uko amafaranga hafi 90% ava muri ubu bucuruzi yinjira mu mifuka y’Agatsiko kiyemeje gukomeza gutsikamira u Rwanda n’Abanyarwanda. Bityo rero, nubwo dutekereza ko iki gikorwa ari nk’igitonyanga mu nyanja dukurikije ko ibifaranga byinshi agatsiko kigwijeho biva ahanini mu mabuye ya Coltan n’andi mabuye y’Agaciro kiba mui Kongo no mu Rwanda rwacu, ariko mu rwego rwa Politiki tuzi neza ko nimwitabira iki gikorwa bizagira ingaruka zikomeye kandi nziza mu nzira z’impinduka yo guharanira ko ibintu bihinduka mu Rwanda.

Twiseguye ku bacurazaga ibi bicuruzwa batari bazi neza ko biteza imbere Agatsiko. Abo bizagiraho ingaruka mu bucuruzi tubasabye kubyihanganira no guhita bitandukanya n’ubucuruzi bwose buteza umurindi Agatsiko. Ku banyarwanda bari mu gihugu tubasabye kubikorana ubwitonzi kandi mukumva neza izi mpinduka ko atari ukubabangamira kuko mushishoje neza murasanga Agatsiko kiberaho mw’iraha kabikesha ibiturutse mu mitsi yanyu no kwiyuha akuya kandi mwe bikarushaho kubatindahara.

Mutangire uyu munsi maze nyuma y’ukwezi kumwe muzaba mwamaze kumenyera gukoresha ibisimbura ibi bicuruzwa (alternatives) kandi turazi neza ko hirya no hino ku masoko mu Rwanda no mu karere hari ibisimbura ibi mutagombye gukomeza guha umurindi ubutunzi bw’Agatsiko gakoresha kabagirira nabi mu gihugu imbere no hanze yacyo.

Ubuyobozi Bukuru bw’Ishyaka ISANGANO-ARRDC buramenyesha Abanyarwandakazi n’Abanyarwanda bose ko buri gutegura ikindi gikorwa gikomeye kizakoma mu nkokora ibifaranga byinshi Agatsiko kigwijeho bivuye muri Coltan nandi mabuye y’agaciro. Icyo gikorwa kizaba kw’isi hose cyo kuburira no gusaba amasosiyete y’amahanga kureka gukomeza gushyira ibifaranga byinshi mu mifuka y’Agatsiko kubera amabuye y’agaciro akoreshwa muri za mobile na za mudasobwa n’ibindi bagura n’Agatsiko. Ayo mabuye acukurwa mu butaka bumaze kunywa amaraso menshi y’abacu n’Abaturanyi bacu ba Kongo. Ibi nabyo bigomba guhagarikwa bidatinze.

Ubuyobozi Bukuru bw’Ishyaka ISANGANO-ARRDC burasaba Abanyarwanda bose n’Incuti zabo ndetse turasaba cyane cyane Abanyapolitiki ba ‘opposition’ baharanira by’ukuri impinduka gukomeza gushyira hamwe bagafatana munda birinda Abanyabinyoma, Abashinyaguzi, Abanyendanini, ba Rusahuriramunduru naba Rutemayeze bashaka kubacamo ibice no kubarangaza kugirango babangamire ibikorwa by’izi mpinduka turimo.

Harakabako u Rwanda rw’Abanyarwanda bose

Harakabaho ‘New Generation/Nouvelle Génération’ muri Politiki

Harakabaho Ukuri, Demokarasi n’Amajyambere mu Rwanda

Harakabaho Abayobozi bakunda abo bayobora

Urukundo n’Amahoro!

Bikozwe tariki 18/03/2013

Jean Marie V.MINANI

Perezida w’Isangano-ARRDC ABENEGIHUGU

 Gakurazo (vendredi, 22 mars 2013 23:41)

Ariko se ni nde wabigishije ikinyarwanda?

Mujya kwandika ngo Banyarwandakazi, Banyarwanda ibyo mwabikuyehe bandika Banyarwanda, Banyarwandakazi… Ibyo byo gufata ibikorwa mu ndimi z’amahanga mukabizana mu Kinyarwanda ntabwo ari byiza na mba.

Naho ibyo kwanga kugura ibicuruzwa by’agatsiko byo kereka abanyarwanda nibareka kurya, kuryama, kugenda, kuko ubucuruzi bwose bwo mu rwa Gasabo ni ubw’agatsiko, niba mugirango ndabeshya nihagire umuntu umbwira ibicuruzwa bidakorwa n’agatsiko.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :