DUSANGIRIJAMBO : Haguruka uhangare igihugu cyose kandi ugihanurire. Padiri Thomas Nahimana.

Ntugahinde imishyitsi imbere yabo !

Ubwo nazirikanaga ijambo ry’Imana Liturjiya yatugeneye kuri iki cyumweru nafashijwe ku buryo budasanzwe n’iri somo rya mbere ryo mu gitabo cy’Umuhanuzi Yeremiya (1,4-5.17-19) . Reka dufatanye kurisoma :

Nuko Uhoraho Imana ambwira iri jambo   « ntarakuremera mu nda ya nyoko nari nkuzi;mbere y’uko uvuka naragutoye ngusiga amavuta, ni wowe ngize umuhanuzi w’amahanga .

Haguruka,ubagezeho ubuhanuzi bwanjye bubakurugutura. Ntugahinde imishyitsi imbere yabo kuko byantera kuba ari wowe ntera guhinda  imishyitsi imbere yabo.

Uyu munsi nkugize nk’umujyi w’intavogerwa, wubakiye ku nkigi y’icyuma n’urukuta rwa rukozwe muri bronzi kugira ngo uhagarare bwuma mu maso y’igihugu cyose, imbere y’Umwami wa yuda ,ibyegera bye, abaherezabitambo be, n’abaturage bose b’igihugu.

Bazakurwanya ariko ntibazagutsinda , kuko nzaba ndi kumwe nawe nk’ingabo igukingira. Iryo ni ijambo ry’Imana ».

1. Ubutumwa bw’umuhanuzi

Umuhanuzi Yeremiya yakoze ubutumwa bwe mu gihe gikomeye cyane (627- 587 mbere ya Yezu). Igihugu cyari ku ngoyi y’ibihugu by’ibihangange aribyo Asiriya, Misiri na babiloni. Yeruzalemu yari agahugu gato gahozwa mu ntambara z’urudaca. Umwami wako yahoraga yibaza ukuntu yakongera kubona ubwigenge . Nibwo hadutse umuhanuzi Yeremiya.

Umwihariko wa yeremiya ni uko azi neza ko yahamagawe n’Uhoraho Imana , ubutwari bwo kuvugisha ukuri akaba atari we buturukaho, ahubwo ari imbaraga z’Imana ubwayo zimukoresha !  Ubuhanuzi bukakaye bwa Yeremiya , umuntu yabuhinira muri izi nteruro ebyiri :

I Bwami nta kindi kishishikaje umwami n’abatware be uretse intambara , imyuvambagatanyo, kugambanira ibihugu by’incuti…naho AMAHORO rubanda yifuza ntawe uyitayeho. Naho mu Ngoro y’Imana , ikibashishikaje ni ugukora imihimbazo inogeye ijisho mu gihe imibanire y’abantuyubakiye ku karengane gakabije n’izindi ngeso mbi. Ntawe ucyita ku iyobokamana ry’ukuri bose bashimishwa no kwiyoberanya (à la cour, le roi et les chefs politiques ne parlent que guerres, soulèvements, renversement d’alliances ; c’est-à-dire tout le contraire de la paix dont rêve le peuple. Quant au Temple, on ne se préoccupe que de belles  HYPERLINK « http://www.eglise.catholique.fr/ressources-annuaires/lexique/definition.html?&lexiqueID=66&Expression=Liturgie » liturgies, pendant que la justice sociale et la morale sont en pleine décadence ; on est donc en parfaite hypocrisie).

Umuhanuzi Yeremiya yagerageje kubabwiza ukuri igihe n’imburagihe  maze nabo si ukumurwanya biva inyuma. Yakunze kubabwira ibyago bigiye kugwira igihugu cyabo aho kugira ngo bamwumve bahindure imyifatire yabo mibi bakarushaho kubimwangira. Yaratotejwe arahangayikishwa bikomeye kugeza n’ubwo abo mu muryango we bwite bamubera ikigeragezo gikomeye, ubuzima bwe bwose buhinduka intambara y’urudaca.

Nyuma ya Yeremiye, ubuzima bwa Yezu nabwo bwabaye intambara, yangwa n’ab’iwabo, kugeza abategetsi b’abagome bamwivuganye. Abakristu bashaka kubwiza iyi si ukuri nabo bakwiye kwitegura ko bitazaborohera ariko icy’ingenzi ni ugukomeza kugira UKWEMERA n’UKWIZERA kw’abahanuzi : Nta narimwe Imana izigera itererana abakozi bayo mu menyo ya rubamba. N’uwishwe ntizuyaza kumuzura mu bapfuye kuko nyine « Hakurya y’Imva hari ubugingo » !

2.Ni ikihe kimenyetso twamenyeraho ko umuntu ari umukozi w’Imana ?

Niba atihanganira akarengane nk’Umuhanuzi Yeremiya ahubwo akitangira kukarwanya atitangiriye itama ariko akabifashwamo  n’ingufu zo gukunda abantu bose(1 Korenti 12,31-12,13)  cyane cyane rubanda rugufi ; uwo ni umukozi w’Imana bidashidikanywa.  Abafite amatwi bakwiye kumwumva, byabashobokera bagashyira amaguru mu nzira bakamukurikira.

UKWEMERA, UKWIZERA NO GUKUNDA ni impano eshatu zituruka ku Mana ariko iruta izindi ni URUKUNDO.

3.Abanyarwanda bakura irihe somo ku butumwa bwa Liturujiya y’uyu munsi.

Abanyarwanda bagushije ishyano ryo kugira ubutegetsi budakunda abaturage, bukaba bubahoza ku nkeke y’iterabwoba amanywa n’ijoro . Umutegetsi udakunda abaturage , wikorera gahunda zose mu nyungu ze bwite gusa, ni umushumba mubi . Hari utabona se ukuntu Agatsiko katitaye ku bibazo nyakuri by’Abanyarwanda ? Tekereza umutegetsi urandura imyaka mu murima, atibaza ikizatunga umuturage ! Umutegetsi usenya inzu y’umukene kandi ntamufashe kubaka indi, akamwohera ngo ajye kuba ku gasozi nk’igisimba ! Umutegetsi uhatira umuturage guhinga indabo atazashyira mu nkono ngo agaburire abana….Umutegetsi unezezwa no gukora uko ashoboye akungikanya amarorerwa kugeza ubwo amahanga afata icyemezo cyo guhagarika imfashanyo zagobokaga abakene……iyi politiki y’Abidishyi  , yita ku nda no ku ikuzo-baringa ry’Umwidishyi mukuru gusa, ikwiye guhagarikwa itararimbura abaturage ngo bashire!

Nyamara ariko  impinduka nziza ntishobora kugera ku Banyarwanda bose, bo ubwabo badafashe icyemezo cyo kubigiramo uruhare rufatika : mbere na mbere bagomba kwigiramo UKWEMERA n’UKWIZERA bihagije.

Nitwemere tudashidikanya ko imbaraga zidasanzwe zituruka ku Mana zisesekara ku bantu bose bafite umutima ukunda abandi n’igihugu cyabo, akaba ari zo zibashoboza gukora n’ibitangaza.

Nitwizere ko igihugu cy’amahoro cyifuzwa kizaza nitwiyemeza kugiharanira, guhera uyu munsi. 

None se ko njye niyemeje guhara amagara ngatabara mu b’imbere, wowe urateganya gutanga uwuhe muganda ?

Icyumeru cyiza kubaharanira ko Ishema ry’u Rwanda ritakomeza kuzahazwa n’ubutegetsi bubi bw’Agatsiko. Imbaraga za Roho w’Imana zibafashe igihe cyose ariko cyane mu bigeragezo.

 Umwaka w’ukwizera ku banyarwanda bose bihebye kuko bari mu gihome , abari mu buhungiro, abari mu bibazo bikomeye  n’abategereje kubona igihugu kizira AKARENGANE.

Muragahorana Ishema,

Padiri Thomas Nahimana.

Mwese mwese , reka mbature aka kanuma k’urukundo :

Niba ushaka isomo rya mbere mu zindi  ndimi :

Livre de Jérémie 1,4-5.17-19. 

Le Seigneur m’adressa la parole et me dit : « Avant même de te former dans le sein de ta mère, je te connaissais ; avant que tu viennes au jour, je t’ai consacré ; je fais de toi un prophète pour les peuples. » Lève-toi, tu prononceras contre eux tout ce que je t’ordonnerai. Ne tremble pas devant eux, sinon, c’est moi qui teferai trembler devant eux. Moi, je fais de toi aujourd’hui une ville fortifiée, une colonne de fer, un rempart de bronze, pour faire face à tout le pays, aux rois de Juda et à ses chefs, à ses prêtres et à tout le peuple. Ils te combattront, mais ils ne pourront rien contre toi, car je suis avec toi pour te délivrer. Parole du Seigneur. » 

Book of Jeremiah 1:4-5.17-19.

The word of the LORD came to me thus: 

Before I formed you in the womb I knew you, before you were born I dedicated you, a prophet to the nations I appointed you. But do you gird your loins; stand up and tell them all that I command you. Be not crushed on their account, as though I would leave you crushed before them; For it is I this day who have made you a fortified city, A pillar of iron, a wall of brass, against the whole land: Against Judah’s kings and princes, against its priests and people. They will fight against you, but not prevail over you, for I am with you to deliver you, says the LORD. 

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :