Abanyamadini bandikiye Loni basaba kutajejenjeka ku kibazo cya Congo. Mathias Hitimana

Nimugenze make , dore muri guhinduka ibikoresho by’Agatsiko-Sajya . mwa Banyamadini mwe .

Nyuma y’aho umutekano muke wo muri Repubulika Iharanira Demokarasi ya Congo, raporo z’impuguke za Loni zashinje u Rwanda kubigiramo uruhare rufasha umutwe wa M23, Abanyamadini bo mu Rwanda bandikiye Loni bayisaba kutagendera kuri raporo zififitse. 

Amadini ane ya Gikirisitu n’Umuryango w’Abayisilamu mu Rwanda yandikiye Umunyamabanga Mukuru wa Loni, Ban Ki-Moon ku itariki ya 6 Ugushyingo, ibaruwa yerekana ko impamvu zigaragazwa zitera umutekano muke muri Repubulika Iharanira Demokarasi ya Congo, atari zo nyakuri. Ayo madini agaragaza ko nk’abagize Sosiyete Sivile mu Rwanda, bazi neza ko u Rwanda atari rwo soko y’umutekano muke muri Congo.

Amadini agaragaza ko raporo zififitse zakozwe, (UN Mapping Report on the DRC (2010) na UN Group of Experts report 2012, zitera urujijo, bikazana imbogamizi ku kugera ku mahoro arambye mu karere. Ikindi kandi bikabangamira n’iterambere ry’u Rwanda, kuko hari ibihugu byashingiye kuri raporo y’impuguke za Loni zishinja u Rwanda gufasha umutwe wa M23, bigahagarika inkunga byarugeneraga.  

Avugana na IGIHE, Musenyeri Onesphore Rwaje washyize umukono ku ibaruwa yandikiwe Loni, mu izina ry’itorero ry’Abangilikani mu Rwanda, yagaragaje ko ahanini yagize igitekerezo cyo kwandikira Loni kuva muri Nzeri 2012, bitewe no kubona raporo za Loni zivuga ku kibazo cya Congo ziba zituzuye. Abanyamadini bakaba basaba Loni kujya bubahiriza uburyo bwa gihanga bwo gukora raporo cyangwa ubushakashatsi.  

Abanyamadini bagaragaza ko ikibazo cya Congo, kigomba gucukumburwa mu buryo budafifitse, kuko ibibazo byinshi bituruka mu mateka ya kera, mu gihe cy’ikata ry’imipaka y’ibihugu bya Afurika.  

Mu itangazo ry’amadini ya Gikirisitu n’Abayisilamu ryasohowe, hari aho rigira riti “imitwe yitwaje intwaro muri Repubulika Iharanira Demokarasi ya Congo, yavutse bitewe n’impamvu nyinshi zimaze igihe kirekire zatewe n’amateka na politiki. Igisubizo nyacyo ni ugusesesengura bihagije impamvu nyazo z’amakimbirane.”  

Abanyamadini basaba Loni gufatanya n’Ubumwe bwa Afurika, n’Akanama k’Ihuriro ry’Ibihugu by’Afurika yo mu karere k’Ibiyaga Bigari (ICGLR) mu gushakira amahoro arambye mu karere.  

Musenyeri Onesphore Rwaje akomeza atangazo ko amadini mu kubungabunga amahoro, asaba Loni no kwita ku kibazo cy’impunzi z’abanyekongo, zimaze imyaka mu nkambi. Izo mpunzi hari iziri mu Rwanda i Gihembe, n’iziheruka kuza ziri i Kigeme, n’ahandi hatandukanye.  

Abanyamadini basinye ku ibaruwa yandikiwe Loni, ni Abaporotesitanti, Itorero ry’Abangilikani mu Rwanda, Alliance of Evangelical of Rwanda, Forum of Born Again Churches and Christian in Rwanda n’Umuryango w’Abayisilamu mu Rwanda (AMUR).  

Source: igihe.com

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :