Senateri Bizimana Jean Damaseni arihanukiriye ati  » Kayibanda Geregori na Joseph Gitera si abayobozi ahubwo bari abicanyi » !

HYPERLINK « http://www.leprophete.fr/2012/06/23/senateri-bizimana-jean-damaseni-arihanukiriye-ati-kayibanda-geregori-na-joseph-gitera-si-abayobozi-ahubwo-bari-abicanyi/ » HYPERLINK « http://www.leprophete.fr/2012/06/23/senateri-bizimana-jean-damaseni-arihanukiriye-ati-kayibanda-geregori-na-joseph-gitera-si-abayobozi-ahubwo-bari-abicanyi/ »

Source: igihe.com

Abakomoka mu Ntara y’Amajyepfo basabwe kwikuraho igisebo. Inkuru ya Ntakirutimana Deus.

Ingengabitekerezo ya jenoside yatangiwe inigishwa n’abayobozi b’igihugu bavukaga mu Ntara y’Amajyepfo, niyo mpamvu abahakomoka basabwa gukora ibikorwa byiza hagamijwe kurwanya igisebo abahakomoka batagize uruhare muri jenoside batewe n’abo bayigizemo uruhare.

Ibi byavuzwe na Guverineri w’Intara y’Amajyepfo Munyantwari Alphonse mu muhango wo kwibuka abahoze ari abakozi ba Perefegitura za Gitarama, Butare na Gikongoro wabereye i Nyanza kuri uyu wa Gatanu tariki ya 22 Kamena 2012.

Senateri Bizimana Jean Damascene watanze ikiganiro ku mateka yagarutse ku kuntu abayobozi mu Rwanda babibye ibitekerezo byo gukundwakaza ubwoko bumwe bw’Abahutu. Ngo ntibyaciriye aho gusa kandi kuko ubu bwoko bwanabibwemo ibitekerezo ko ubundi bwoko ari abagome cyane cyane Abatutsi. Urugero ni ibiganiro mbwirwaruhame byagezwaga ku banyarwanda na Kayibanda Gregoire nk’aho ku itariki ya 1 Nyakanga 1965 ku munsi w’ubwigenge yavuze ko bimwe mu bimunga demokarasi ari Abahutu barimo kugwa mu mutego w’abatutsi aho bazana ubututsi bushya.

Si Kayibanda wenyine kandi wakoze ibikorwa nk’ibyo kuko na Habyarimana Gitera Joseph washinze ishyaka rya APROSOMA ryari rigamije kurengera no kuzamura inyungu za rubanda nyamwinshi nawe ngo ni umwe mubatangije ingengabitekerezo ya jenoside akaniyita umucunguzi w’Abahutu ubwo yari mu myiyerekano yo kwamamaza ishyaka rye ku itariki ya 27 Nzeli 1959 i Ngoma yashyize ahagaragara amategeko y’Abahutu yari yuzuyemo urwango Abahutu bagombaga kugirira Abatutsi kugeza babishe bakabamara, ku bwa Bizimana ngo aba si abayobozi ahubwo bari abicanyi.

Uwizeye Fidèle wari Perefe wa Peregitura Gitarama mu gihe cya jenoside yanenze ubuyobozi bwayoboraga u Rwanda muri icyo gihe kuko wasangaga bwibanze ku nyungu z’igice kimwe no gutoteza ubwoko bw’Abatutsi. Nyamara ngo umuyobozi mwiza yarengeraga inyungu z’abo yari ashinzwe urugero yatanze ni we ubwe na mugenzi we Habyarimana Jean Baptiste wayoboraga Perefegitura ya Butare uburyo bagerageje kurengera Abatutsi muri icyo gihe kugeza n’ubwo mugenzi we abizize.

Sergent Mucyo warimbaguye ab’i Save(kwa Gitera) , ni we ntungane ? Iyo urugo rushizemo inyana imbeba zikinagura mu kirambi koko !

Uwari uhagarariye imiryango y’abakozi bazize jenoside muri izi Perefegitura, Mukamwiza Gloriose akaba ari na mushiki wa Habyarimana Jean Baptiste yashimye iki gikorwa kuko gisubiza icyubahiro ababo bakabibukira ku byiza byabaranze mu buzima bwabo bwose.

Mukamwiza yasabye abari aho gukora uko bashoboye bakabaha amakuru ku rupfu rw’uyu muyobozi naho yaba abarizwa nawe agahabwa icyubahiro kimukwiye nk’umuntu wayoboraga Perefegitura nzima.

Uhagarariye umuryango IBUKA mu Ntara y’amajyepfos Kayitesi Immaculée yasabye abari aho gukora urutonde nyarwo rw’abari abakozi b’izi ntara bazize jenoside, gushaka amafoto yabo no kuba hafi y’imiryango basize bayifasha mu buryo butandukanye.

Goverineri w’Intara y’Amajyepfo Munyantwari Alphonse ahereye ku bayobozi bavuzwe na Senateri yavuze ko bose bakomoka mu Ntara y’Amajyepfo y’ubu ngo niyo mpamvu abahakomoka basabwa gukora neza hagamijwe kwirinda igisebo bavanye ku bayobozi ba mbere bahakomokaga batangije ingengabitekerezo ya jenoside.

Ku kibazo cyo kunoza birushijeho uburyo bwo kwibuka, Munyantwari yavuze ko uwaba azi amazina y’abandi bakozi batashyizwe kuri uru rutonde kuyabagezaho n’icyo bakoraga ,aho baguye nuko bishwe, hajyanywe n’amikoro bigakorwa neza kurushaho. Abibutswe bose hamwe ni 34. Uyu muhango ubaye ku ncuro ya mbere nyamara uzakomeza.

Rwigemera (lundi, 25 juin 2012 01:51)

Aliko tubona ubugome n’ubunyamanswa bw’ingoma ya cyami, kandi hari umwami wari ugenewe gukomeza iyo ngoma kuki ntacyo ajya abivugaho. Ndavuga Ndahindurwa. Nizere ko izina atari lyo muntu. Kuki se adasaba imbabazi z’amahano ingoma ya cyami yagiriye abanyarwanda, kandi atubwire niba yemera demukarasi n’ubwigenge ku banyarwanda bose, atubwire noneho niba ubwami yabusangira n’abami b’abahutu! Niba noneho yakwemera amatora!

Atubwire icyo atekereza kuri Rucunshu! Natubwire aho ahagaze mu mateka y’urwanda, yo kureka inzana nka Senateri Bizimana zikomeje imvugo y’abagaragu b’ibwami bashakaga kwica Gitera aho kwica ikibimutera. Natubwire uwishe umwami wavuze ayo magambo arimo ubushishozi, ko wumva ngo yaba ari byo yasize, ko imvugo yari agiye kuyigira ingiro! Kigeli V, ngaho subiza!

Kandi ushatse waduhuza uhereye kubari hanze, ari ukatubwiza ukuri.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :