ITANGAZO RY’ISHYAKA RDI-RWANDA RWIZA: Twiyemeje gusanga Club-RDI ziri mu Rwanda tugakorera politiki mu gihugu. JM Mbonimpa

Ishyaka RDI-Rwanda Rwiza rimaze iminsi rihitisha ibitekerezo binyuranye, mu mpaka zaranzwe no gushimangira umurongo w’ishyaka ushingiye ku bintu bitatu by’ingenzi ari byo UKURI, UBUTABERA, UBWISANZURE. Izo nshingano eshatu ni zo ntego ya RDI nk’uko bigaragazwa n’ikirango cy’ishyaka cyashyizwe mw’itangazo ryo ku wa 28.05.2012 ryashyizweho umukono n’umunyamabanga mukuru wa RDI, Bwana Jean-Marie Mbonimpa.

Ishyaka RDI rikomeje kwamagana ubutegetsi bw’igitugu bwa FPR butemera kujya impaka, bukomeje kuba imbogamizi y’ubwisanzure mu mvugo no mu ngiro, kandi bukorera Agatsiko kigwizaho ibya Mirenge mu gihe abaturage batari bake bicwa n’inzara n’umukeno. 

Inama y’ubuyobozi bw’ishyaka RDI yateranye kuwa 27 Gicurasi 2012, ifata imyanzuro ikurikira:

1. Ishyaka RDI rirashimira abarwanashyaka baryo bamaze iminsi batanga ibitekerezo ku mbuga za Interneti, hagamijwe kumvikanisha imiterere y’ibibazo byugarije u Rwanda, bishingiye ahanini ku butegetsi bw’igitugu bwa Prezida Kagame na FPR, bukomeje kwica urubozo abaturage, bubavutsa uburenganzira bwabo bw’ibanze.

2. Ishyaka RDI rishyigikiye ko abiyemeje gukora politiki bakwimakaza umuco mwiza wa demokrasi wo kujya impaka zuzuzanya cyangwa zivuguruzanya (débat contradictoire), kugira ngo abanyarwanda barusheho gusobanukirwa amatwara n’imigambi by’abagambiriye kubayobora. Si ngombwa ko abantu bose babona ibintu kimwe, kandi ntibikwiye gutuka, gusebya cyangwa gufata nk’umwanzi uwo mudahuje igitekerezo.

3. Ishyaka RDI, rimaze gusuzuma inzira zose zishoboka zo gukemura mu maguru mashya ikibazo cy’ubutegetsi bw’igitugu bukomeje kuzambya u Rwanda, ryashimangiye icyemezo cyo kujya gukorera politiki mu gihugu imbere, rifata n’izindi ngamba zihamye zageza abanyarwanda ku mpinduramitegekere mu gihe kitarambiranye.

4. Ishyaka RDI rirarikiye abanyarwanda aho bari hose, kuzisuganya uko bashoboye tariki ya 1 Nyakanga 2012, kugira ngo bizihize ku mugaragaro isabukuru y’imyaka 50 y’ubwigenge bw’igihugu cyacu. RDI iragaya kandi Leta ya Kagame kuba nta birori yateganyije kuri iyo tariki : kuba FPR irutisha intsinzi ya bamwe ukwigobotora ingoma ya gihake na gikolonize kw’imbaga y’abanyarwanda, ni ibyo kwamaganira kure, dore ko bigamije gusibanganya burundu amateka y’ingenzi y’igihugu cyacu, ashingiye kuri revolisiyo ya rubanda yo mu mwaka w’1959.

Bikorewe i Sion (Suisse), kuwa 28.05.2012 

Mw’izina ry’Ishyaka RDI-Rwanda Rwiza, 

Jean-Marie Mbonimpa 

Umunyamabanga mukuru (Sé) 

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :