HYPERLINK « http://www.leprophete.fr/2012/01/26/umuyobozi-w-akarere-ka-kicukiro-ntazi-amategeko-ibyemezo-afata-abishingira-ku-rugomo-rusa-padiri-thomas-nahimana/ » l « permalink » o « Lien permanent vers Umuyobozi w’Akarere ka KICUKIRO ntazi amategeko, ibyemezo afata abishingira ku rugomo rusa ! Padiri Thomas Nahimana. » Umuyobozi w’Akarere ka KICUKIRO ntazi amategeko, ibyemezo afata abishingira ku rugomo rusa ! Padiri Thomas Nahimana.

Ubusanzwe, ukurikije amategeko igihugu cy’u Rwanda cyahisemo kugenderaho, imikoranire hagati y’Abayobozi b’inzego z’ubutegetsi bw’igihugu n’abayoborwa ntishingirwa kuri cyimeza cyangwa ngo ihindagurike bikurikije uko umutegetsi runaka yaramutse neza cyangwa nabi ! Imikoranire y’Abayobozi n’abaturage igira amategeko igenderaho bita mu gifaransa règles de Droit public.

Ayo mategeko agenga abayobozi mu kazi kabo ko kuyobora rubanda afite aho atandukaniye  n’amategeko agenga abaturage mu mibanire yabo hagati yabo, bita règles de droit privé.

Amategeko ashingirwaho ibyemezo by’ubuyobozi agomba guhora ashyize imbere INYUNGU RUSANGE (Intérêt général) mu gihe amategeko agenga abantu ku giti cyabo aharanira kurengera inyungu z’abantu ku giti cyabo (intérêts privés).

Iyo witegereje imikorere ya Bwana Paul Jules NDAMAGE, nk’umuyobozi w’Akarere ka KICUKIRO, usanga ibyemezo afata bisa n’ibicuramye !

(1)Ntibishyira imbere inyungu rusange

(2)Bibangamiye inyungu z’abantu ku giti cyabo

(3)Bishingiye ku ihame ry’urugomo.

Ibyo bigaragarira nko muri iki cyemezo yise : Ishyirwa mu bikorwa ry’igishushanyo mbonera cy’umujyi wa Kigali cyo mu 2011. Iki cyemezo kije gishimangira  gahunda imaze iminsi yo gusenya ku ngufu amazu y’abaturage ngo atujuje ibyangombwa bisabwa n’ubutegetsi buriho muri iki gihe.

Kubera ko Umuyobozi w’Akarere ka Kicukiro yahaye Kopi y’iri BWIRIZA abamukuriye aribo Umuyobozi w’Umujyi wa Kigali ndetse na Minisitiri w’Ubutegetsi bw’igihugu, ntibamucyahe, bishatse kuvuga ko nabo bashyigikiye iyi gahunda ! Niba abayobozi bo hejuru nk’abo nabo bakora batitaye ku mategeko , biteye impungenge cyane.

HAKORWA IKI ?

Niba abategetsi b’u Rwanda bazi ko habaho amategeko abagenga kandi bakaba bashishikajwe no kuyubahiriza, hari inzira 3 banyuramo bakemura iki kibazo cyo gusenyera rubanda gihangayikishije benshi.

I.Niba abategetsi bashaka kubaka Kigali nk’umurwa mukuru w’akataraboneka, uzahesha ishema Abenegihugu bose, ariko inyubako zizaba ziwugize zikaba zirenze ubushobozi bw’abaturage basanzwe bahafite amazu aciriritse (propriétaires anciens), Leta igomba :

(1)KUBIMURA mu buryo bukurikije ubutabera (Expropriation),

(2) KUBAHA INGURANE ikwiye kandi mu buryo bwihuse (indemnités d’expropriation) kugira ngo bashobore kugura ikibanza ahandi no kwiyubakira indi nzu yo mu rwego rw’iyo bari basanganywe.

Ibi bitabayeho, aba baturage baba bameze nk’abahawe igihano kuko baba basabwe kwemera guhomba bonyine, kugira ngo inyungu za benshi( Umurwa mukuru) zitere imbere. Ibi rero byaba ari akarengane kabagiriwe ugereranije n’ihame ngenderwaho ryo mu mategeko agenga ubuyobozi rigena ko abaturage bose bagomba kureshya mu byo igihugu kibasaba kugira ngo cyiyubake(Principe de l’égalité devant les charges publiques).

II. Niba Leta igamije kubaka umugi w’akataraboneka uzaba umwihariko w’Agatsiko k’Abaherwe bonyine.

Icyo gihe Leta igomba guha amahoro abaturage bubatse i Kigali kera. Kuko nta tegeko bishe mu gihe bubakaga, amabwiriza atanzwe muri iki gihe ntabwo yaza akuraho uburenganzira bw’abo baturage (principe de non-retroactivité des lois), kereka bahawe indishyi.

Muri make, Leta nishake ahandi hantu hadatuwe, abe ariho ijya kubaka uwo mujyi w’abaherwe ! Icyo gihe nta we bizabangamira.

III.Niba Leta ishaka ko Kigali iba umugi mwiza cyane kandi wa bose

Leta nihe abasanzwe batuye Kigali ubushobozi bwo kubaka ayo magorofa asabwa. Ibyo byanyura mu buryo bw’inguzanyo cyangwa se impano yagenerwa abaturage basanzwe bafite ibibanza byabo muri Kigali. Ariko niba Leta y’u Rwanda nta bushobozi ifite, nireke gukora imishinga idashoboye kuko ibyo byitwa ukwirarira  gukabije gushobora gutuma igihugu kigurishwa cyangwa kikagabizwa abanyamahanga n’abavantara ngo ni uko bakize gusa !!!

Icyemezo cyo gusenyera abaturage ku ngufu nta ndishyi bahawe, nta rindi zina kigira uretse URUGOMO rukozwe na Leta ! Icyo cyemezo gihishe imyumvire usangana ubutegetsi bwa kinyeshyamba butazuyaza guhuguza abaturage imitungo yabo. Abategetsi bateye batyo bibwira ko umuturage atagira uburenganzira na buke ku mutungo we bwite. Iki ni nacyo kimenyetso simusiga kiranga ubutegetsi bwubakiye ku UBUHAKE ! Gusa rero twari tuzi ko u Rwanda ari Repubulika,ko ingoma ya cyami na gihake yasezerewe ikagenda nk’ifuni iheze guhera mu 1959 !

Umwanzuro

(1)Icyemezo cy’Umuyobozi w’Akarere ka KICUKIRO , Bwana Paul Jules NDAMAGE, ntigikurikije amategeko agenga abayobozi mu mibanire y’abo n’abayoborwa.

Gishingiye ku rugomo kuko kigamije kwambura abaturage umutungo wabo bwite(inzu n’ibibanza) kugira ngo wegurirwe abaherwe. Niyo mpamvu uyu muyobozi aca iteka agira ati « Mu gihe udashoboye kubyubahiriza, ikibanza cyawe wagiha ababibashije »!

(2)Icyemezo nk’iki gikwiye guseswa n’inzego zisumbuye kandi umuyobozi ukora amakosa aremereye nk’aya akeguzwa.

(3)Leta y’u Rwanda niyigishe abategetsi amategeko cyangwa se abayize bahabwe rugari bayobore igihugu bubahiriza uburenganzira bw’UMUTURAGE.

(4) Nyakubahwa Perezida wa Repubulika akwiye guhagurukira ikibazo cyo gusenyera abaturage mu mugi wa Kigali kuko gikomeye cyane. Aho si cyo kizakurura imvururu zizahirika Leta ?

Padiri Thomas Nahimana.

Master en Droit, in HYPERLINK « http://www.leprophete.fr » http://www.leprophete.fr, le 26/01/2012

Nawe nwisomere iri BWIRIZA ry’uyu muyobozi !

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :