HYPERLINK « http://www.leprophete.fr/2012/01/14/baratabaza-politiki-mbi-yo-guhatira-abaturage-b-umurenge-wa-kivuye-guhinga-ingano-badakeneye-ibaye-intandaro-yo-gufata-inzira-y-ubuhungiro-v-kamanzi/ » l « permalink » o « Lien permanent vers BARATABAZA: Politiki mbi yo guhatira abaturage b’umurenge wa Kivuye guhinga ingano badakeneye, ibaye intandaro yo gufata inzira y’ubuhungiro! V.Kamanzi. »BARATABAZA: Politiki mbi yo guhatira abaturage b’umurenge wa Kivuye guhinga ingano badakeneye, ibaye intandaro yo gufata inzira y’ubuhungiro! V.Kamanzi.

Iyi politiki yo kubuza abaturage guhinga ibibafitiye akamaro, igambiriye kubatindahaza no kubicisha inzara! Iyi rwose ni gahunda yizwe neza n’Agatsiko kagamije gutsemba abaturage mu cyayenge kugeza ubwo nyamwinshi izahinduka nyamuke, nk’uko byavuzwe!

Abaturage bo mu Karere ka Burera mu Murenge wa Kivuye bakomeje kwambuka bimukira muri Uganda kubera ikibazo cy’umusaruro muke. 

Aba baturage nk’uko babitangarije IGIHE.com, ngo bakomeje kwimukira mu gihugu cya Uganda no mu tundi turere tw’u Rwanda mu rwego rwo kujya gushaka ubutaka no gushaka amahaho. Aba baturage bavuga ko ubuyobozi nibudakemura ibyo babusaba bazakomeza kwimuka.

Mu baganiriye na IGIHE.com, batangaje ko abaturanyi babo bakomeje kwimuka ku bwinshi, intandaro yabyo ngo ikaba ari uko ubuyobozi bw’Umurenge n’Akarere bashyiraho amategeko abananiza batagishijwe inama.

Umwe mu baturage twasanze mu gasantere (Centre) kari imbere y’Umurenge wa Kivuye utarashatse ko tumuvuga izina kuko ngo ingaruka zishobora kuba mbi aramutse amenyekanye, avuga ko atarenganya iyi Leta kuko ngo yanamwubakiye inzu atuyemo, ko ariko bafite ikibazo kandi kibakomereye.

Yagize ati :’’Ikibazo cy’abantu barimo kwimuka byo kiraduhangayikishije natwe abaturage, nko muri aka gace ntuyemo ari naho nzi neza hari nk’abantu basaga mirongo itatu bamaze kugenda’’.

Yakomeje avuga ko abagenda bavugana ku matelefone n’abo baba basize inyuma bakabagurishiriza amasambu baba basize, kuko bagenda rwihishwa. Ati :’’Impamvu nta yindi ni uko batubujije kwihingira amasaka n’ibijumba byari bitubeshejeho bikarihira n’abana amashuri bakadusaba guhinga ingano zidatanga umusaruro nk’uwo twabonaga tukihingira amasaka’’.

Amasaka yari afitiye akahe kamaro aba baturage ?

Nk’uko aba baturage babivuga, ngo amasaka n’ibijumba byari bibafitiye akamaro kanini, kuko ibijumba byabafashaga mu ngo mu biribwa, ariko ngo amasaka yo yari igihingwa gifite agaciro gakomeye ku baturage ba Kivuye kuko yaheraga cyane, bityo ngo abaturage bakifashisha uwo musaruro wabaga ari mwinshi bakarihira abana amashuri, bakishyura ubwisungane mu kwivuza no kwikenura mu bundi buryo.

Umwe muri bo yagize ati :’’Yewe, n’ubu hari abana nzi batakigera ku ishuri kandi iyo ubabajije bakubwira ko ari ikibazo cy’ubushobozi, kuko barihirwaga amashuri ababyeyi babo bagurishije amasaka’’.

Gutanga ubwisungane mu kwivuza ku gahato

Uwitwa Nsanzimana Stanislas nawe twaganiriye yatunze agatoki ubwisungane mu kwivuza ko nabwo buri mu birimo gutuma abantu bimuka kuko hari ingamba zikomeye zo kubaka amafaranga, kandi ubushobozi bwabo ari buke.

Ubuyobozi bwo bubivugaho iki ?

Umunyamabanga Nshingwabikorwa w’Umurenge wa Kivuye wugarijwe n’iki kibazo cyane, Nsengimana Aloys yatangarije IGIHE.com ko icyo kibazo gihari koko, gusa ngo agereranyije no mu myaka ishize biragenda bigabanuka, kuko haje gahunda zitandukanye zo kurwanya ubukene kandi aribwo ahanini bwatumaga abaturage bagenda.

Nsengimana yagize ati :’’Ntabwo ikibazo cy’amasaka ari cyo gituma bagenda, ahubwo ni ukubera imyumvire ikiri hasi, abenshi bagenda bagiye guhiga aho ubutaka bugura make, ku buryo nko mu mezi atatu ashize n’ubwo nta mibare mfite ihamye hamaze kugenda nk’imiryango 5 gusa’’.

Nsengimana yakomeje avuga ko abaturage bimurwa no guhunga gahunda ya leta yo guhuza igihingwa, hakurikijwe igihingwa kibereye agace runaka. Uku guhunga rero kuri we ngo ni urwitwazo ahubwo baba bafite izindi mpamvu.

Imyumvire ikiri hasi ngo niyo ntandaro

Uwambajemariya Florence, Umuyobozi wungirije ushinzwe imibereho myiza y’abaturage mu Karere ka Burera, we yemeza ko byose biterwa n’ikibazo cy’imyumvire ikiri hasi, ariko ngo bakaba bafite gahunda mu Karere yo kwegera aba abaturage mu rwego rwo guhindura iyi myumvire yabo.

Uwambajemariya kandi avuga ko iki kibazo gihangayikishije Akarere n’ubwo abagiye bose atari ko bagumayo, kuko hari abagenda bagahaha bwakwira bakagaruka, kandi ngo iyo bumvise aho bagiye baragenda bagakorana inama n’abaturage mu rwego rwo kubihagarika n’ubwo ngo bigoye, cyane ko abo baturage baba bagiye gushaka aho ubuzima bworoshye kurusha muri Burera.

Uyu Muyobozi Wungirije Ushinzwe Imibereho Myiza y’Abaturage mu Karere ka Burera agira ati :’’Bungwe tumvise ko bagiye tujyayo dukorana inama n’abaturage kugirango tumenye icyiciro cy’abagiye, dusanga ari urubyiruko n’abakuru bavanze. Icyo dukora ni ukuganira no ku ruhande rwa Uganda uko iki kibazo cyakemuka ’’.

Twashatse kuvugana n’Umuyobozi w’Akarere ka Burera Sembagare Samuel, ngo agire icyo adutangariza kuri iki kibazo, ariko ntitwabasha kumubona kuri telefone ye igendanwa.

Aba baturage bagenda abenshi bajya muri Uganda ihana imbibi n’ akarere ka Burera, abandi bakajya mu tundi duce tw’igihugu nko mu Mutara, Gakenke, Rulindo n’ahandi. Gusa abaturage bo mu Murenge wa Kivuye bo basanga Leta yari ikwiye kugira icyo ikora kugira ngo boroherezwe ubuzima muri uyu Murenge.

Venuste Kamanzi

Igihe.com

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :