HYPERLINK « http://www.leprophete.fr/2011/12/14/abanyarwanda-bagungiye-muri-uganda-nibadahaguruka-ngo-birindire-umutekano-agatsiko-k-abasajya-karakomeza-kubica-urusorongo/ » l « permalink » o « Lien permanent vers Abanyarwanda bahungiye muri Uganda nibadahaguruka ngo birindire umutekano Agatsiko k’Abasajya karakomeza kubica urusorongo ! »Abanyarwanda bahungiye muri Uganda nibadahaguruka ngo birindire umutekano Agatsiko k’Abasajya karakomeza kubica urusorongo !

Ingabire Charles warasiwe muri Uganda: Imana imuhe iruhuko ridashira. Ubu koko Kagame n’Agatsiko ke k’Abasajya bazakomeza kwicira Abanyarwanda ubusa kugera ryari ? Harya bo ntibava amaraso ?

Itangazo dukesha umuryango mpuzamahanga ushinzwe uburenganzira bw’ikiremwamuntu «Human Rights Watch», ryashyizwe ahagaragara i New York taliki ya 06 ukuboza 2011, rirasaba abayobozi b’igihugu cya Uganda gutangiza amaperereza arambuye kandi adafifitse ku iyicwa ry’umunyamakuru w’umunyarwanda, wishwe taliki ya 30 ugushyingo 2011. «Human Rigts Watch» irasaba ko abamwishe bamenyekana, ndetse bagashyikirizwa ubutabera. «HRW» ikomeza ivuga ko guverinoma ya Uganda yagombye no kwita ku mutekano w’abanyamakuru b’abanyarwanda bahungiye muri Uganda, n’abandi banenga guverinoma y’u Rwanda baba muri icyo gihugu.

Charles Ingabire, wari umwanditsi mukuru w’«Inyenyeri News», wanengaga ku buryo bugaragara guverinoma y’u Rwanda, yarashwe amasasu abiri mu gatuza mu ijoro ubwo yari avuye mu kabari gaherereye ahitwa Bukesa-Kikoni Makerere, i Kampala. Inshuti ze zatangarije «Human Rights Watch» ko Ingabire yakundaga kunywera muri ako kabari, kuri uwo mugoroba akaba ari ho yari yagorobereje.

Umuvugizi wa polisi ya Uganda yatangarije ibinyamakuru ko polisi yahise itangiza amaperereza ku iyicwa rya Charles Ingabire, ko n’abantu babiri bafashwe kugirango babazwe iby’urupfu rw’uyu munyamakuru. 

Daniel Bekele, umuyobozi ushinzwe Afurika muri «Human Rights Watch», ati «Itoteza ry’abakorera guverinoma rishobora no kurenga imipaka y’u Rwanda. Kubera urupfu rwa Charles Ingabire, dufite impungenge ku mutekano w’abandi banyamakuru bahunze n’abatavuga rumwe na guverinoma».

«Human Rights Watch» irasaba ikomeje Polisi ya Uganda ko yagombye gushakira mu nzira zose zishoboka abishi ba Charles Ingabire, ikanashaka uburyo irushaho kurinda umutekano w’izindi mpunzi z’abanyarwanda.

Charles Ingabire, wari ufite imyaka 31 y’amavuko, yari umucikacumu rya jenoside yabaye muri 1994 mu Rwanda. Yari yarakoze akazi k’itangazamakuru mu Rwanda, aza guhungira muri Uganda mu mwaka wa 2007, ari na ho yari yaraboneye impapuro zimwemerera ubuhunzi. Akiri muri Uganda, yatangaga amakuru mu Umuvugizi, kimwe mu binyamakuru binenga cyane guverinoma y’u Rwanda.

Umuvugizi wahagaritswe mu mwaka wa 2010 n’Inama nkuru y’itangazamakuru y’u Rwanda, iyi ikaba ibogamiye kuri guverinoma y’u Rwanda. Jean-Léonard Rugambage, undi munyamakuru w’Umuvugizi, yarasiwe mu murwa mukuru w’u Rwanda, i Kigali, muri kamena 2010. Umwanditsi mukuru w’iki kinyamakuru, Jean-Bosco Gasasira, we yafashe inzira y’ubuhungiro muri 2010, nyuma y’imijugujugu itabarika yari ibangamiye umutekano we.

Nyuma y’uko Umuvugizi uhagaritswe, Charles Ingabire yahise aba umwanditsi mukuru w’akanyamakuru kasohokeraga ku mbuga za internet, «Inyenyeri News», aka kanyamakuru kakaba karakunze guhitisha inkuru zinenga cyane perezida w’u Rwanda, Paul Kagame, guverinoma y’u Rwanda, ndetse n’ingabo za yo. Mu gihe gito gusa, urubuga rw’«Inyenyeri News» rwari rumeze nk’urwacengewe na guverinoma, ku buryo inkuru zari zisigaye zirusohokaho zari zarahinduye umurongo noneho wo gusingiza guverinoma. Inshuti za hafi za Charles Ingabire zatangaje ko zakekaga ko abantu bari hafi ya guverinoma bari barigaruriye uru rubuga . Charles Ingabire na bagenzi be baje kwimurira «Inyenyeri News» ku wundi murongo mushya wa internet, uyu murongo ukaba wari warakomeje guhitisha amakuru anenga guverinoma y’u Rwanda.

Inshuti za hafi za Charles Ingabire zanatangarije «Human Rights Watch» ko uyu munyamakuru yakomeje kubagezaho iby’itotezwa rye rya buri gihe mu mezi yabanjirije urupfu rwe. Mu meza abiri mbere gato y’uko yicwa, yari yigeze guterwa , aranakubitwa, orudinateri ye barayimucuza. Aba bagizi ba nabi, batigeze bamenyekana, bamubwiye ko bamushakagaho guhagarika umurongo wa internet . Nyuma y’aho yakomeje kwakira kuri telefoni ye igendanwa imirongo y’amagambo amutoteza, atagira ba nyirayo (anonymes). Izi «messages» zikaba zaramuteraga ubwoba ko agomba guhagarika gusohora inkuru ze zinenga guverinoma y’u Rwanda.

Umuryango «Human Rights Watch» uvuga ko, n’ubwo hakiri kare cyane guca iteka ku mpamvu z’urupfu rwa Charles Ingabire, urupfu rwe ruri muri gahunda yo guhohotera abanyamakuru bigenga, abagize imitwe ya politiki inenga ubutegetsi, n’iy’abahagarariye sosiyete sivile mu rwanda. Mu myaka ya 2010 na 2011, abanyamakuru benshi banenga cyane guverinoma y’u Rwanda, barakurikiranywe, barafatwa, barafungwa, abahungiye mu bindi bihugu na bo bahojejwe ku nkeke inshuro zitabarika. 

«Human Rights Watch» ikomeza yerekana ko, ku buryo bwihariye, abanyarwanda baba mu gihugu cya Uganda, ari bo ba hohoterwa cyane kubera ukuntu ibi bihugu bituranye hamwe n’imikoranire yo hapfi bya kunze kugirana . Impunzi z’abanyarwanda ziba i Kampala zitekereza ko zihohoterwa n’abantu bakorera inzego z’iperereza zo mu Rwanda.

Iri hohoterwa ku batavuga rumwe n’ubutegetsi ntiribarizwa ku mpunzi z’abanyarwanda ziba i Kampala, gusa. Muri kamena 2010, jenerali Kayumba Nyamwasa, wari umukuru w’ingabo z’u Rwanda, yararusimbutse muri Afurika y’Epfo. Kayumba Nyamwasa, mbere wari hafi ya perezida Kagame, ubu ni we urwanyiriza mu buhungiro guverinoma y’u Rwanda. Muri gicurasi, abanyarwanda babiri batuye mu Bwongereza, na bo baburiwe na polisi i Londres, ko hariho ihohoterwa ryari kubakorerwaho, rikozwe na guverinoma y’u Rwanda.

Bekele asoza avuga ko «Guverinoma y’u Rwanda yemeza ko yitangiye demukarasi n’ubwisanzure bw’itangazamakuru, nyamara ibi bikaba ngo ntaho bihuriye n’ukuri niba abayinenga bahohoterwa, bakanahozwa ku nkeke». Ati «abashinzwe ubutabera bw’u Rwanda bagombye kwifatanya na bagenzi babo bo muri Uganda, kugirango bashakire hamwe ukuri ku rupfu rwa Charles Ingabire».

Amiel Nkuliza, Sweden.

Source : Umuvugizi.com

Ndibutsa Bizimana-Turacyategereje!!! (Thursday, 15 December 2011 07:10)

Dore uko watubwiye le08/12/2011.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :