HYPERLINK « http://www.leprophete.fr/2011/11/16/special-rusesabagina-leta-ya-kagame-irwanya-umuntu-wakoreye-abanyarwanda-ibikorwa-byiza-abanyamerika-bakomeje-kuyitunga-agatoki-butera-ezechiel/ » l « permalink » o « Lien permanent vers SPECIAL RUSESABAGINA : Leta ya Kagame irwanya umuntu wakoreye Abanyarwanda ibikorwa byiza, Abanyamerika bakomeje kuyitunga agatoki. Butera Ezechiel. » SPECIAL RUSESABAGINA : Leta ya Kagame irwanya umuntu wakoreye Abanyarwanda ibikorwa byiza, Abanyamerika bakomeje kuyitunga agatoki. Butera Ezechiel.

Amerika niyitandukanye ku mugaragaro n’ ingoma yica igapyinagaza abenegihugu, ya Paul Kagame n’Agatsiko ke.

Mu gihe hasigaye amasaha make ngo Paul Rusesabagina ahabwe igihembo cy’Abaharaniye uburenganzira bw’ikiremwa muntu kurusha abandi, Lantos Foundation yateguye umugoroba ususurutse waranzwe no gusangira ifunguro ndetse n’ibiganiro .Abatumirwa bahuriye kuri ayo meza bari abantu 30 b’indobanure barimo 4 bo mu  muryango bwite wa Tom Lantos, Paul Rusesabagina numufasha we, abandi banyarwanda 2, abayobozi banyuranye bo muri Amerika barimo aba Senateri, ba Ambassaderi 2, Abacamanza n’abandi banyamategeko banyuranye .

Buri wese mu bari bahari yahawe ijambo kugira ngo avuge yisanzuye ibyo akora mu rwego rwo guteza imbere uburenganzira bw’ikiremwa muntu.

Umwe mu bategetsi yavuze ijambo rikomeye ryerekana koko ko azi neza  ibibazo byo mu Rwanda n’akababaro abaturage b’icyo gihugu bahuye nako guhera mu 1990; maze asoza abwira abari bateraniye aho ati  » Ko igihugu cyacu cya Amerika aricyo gihangange ku isi, abategetsi bacyo tudahagurutse  ngo twamagane ubwicanyi n’akarengane bikomeje gukorwa n’abayobora u Rwanda muri iki gihe, byazakorwa na nde wundi ?

Amaze kuvuga iri jambo yahawe amashyi y’urufaya .

Uwahawe ijambo bwa nyuma ni Paul Rusesabagina. Yasubiyemo muri make akaga ka jenoside kagwiriye u Rwanda. Yerekanye umuzi w’ingorane benshi mu banyarwanda bagize mu gihe cyashize ariko n’ubu zikaba zikiriho : Abategetsi bashaka guhindura u Rwanda igihugu cy’Abahutu gusa cyangwa icy’Abatutsi gusa . Yavuze abantu batatu yigiyeho kutagira umususu iyo yiyemeje gukora ibikorwa byo kwamagana akarengane. Abo bantu ngo ni se umubyara, Martin Luther King na Nelson Mandela. Yashimye ubutwari bw’abo bagabo kandi anavuga ko n’ubwo hari abantu bahagurukiye kunangira umutimanama wabo icyiza bakagiceceka ahubwo ikibi akaba aricyo bita icyiza, ngo ntateze gucika intege mu guharanira ko Abanyarwanda bakwicara hamwe bakaganira kugira ngo bubake u Rwanda rubereye buri munyagihugu. Kuri we ngo umuti w’umwiryane wakomeje kuranga Abanyarwanda ntuzaturuka mu ntambara y’amasasu ahubwo uzava muri ‘Dialogue’. Yakomeje atsindagira ko kubaka u Rwanda rutavangura abana barwo atari igikorwa cy’umuntu umwe,cyangwa porogaramu y’ubwoko bumwe, ko ahubwo abiyumvamo ubushake bose bagomba kwemera gushyira hamwe. 

Umwihariko w’igitaramo cy’uyu mugoroba:

1.Hari uwasabye abari bateraniye aho ko na nyuma y’iki gihembo  Rusesabagina yazakomeza gushyigikirwa kugira ngo urugamba rwo kwimakaza ukuri na Demokarasi mu Rwanda ruzageze Abanyarwanda ku mahoro arambye. Yahawe amashyi.

2. Hari umugore w’umunyamerikakazi wumvise ibyiza Rusesabagina yakoze  ubwo yitangiraga guhisha abantu muri Mille Collines akabafasha kurokoka jenoside, nyamara ubu Leta ya Paul Kagame ikaba imuhigisha uruhindu ku buryo yanamuvutsa ubuzima, maze uwo mugore ananirwa kwihangana, araturika ararira, imikori y’amarira iramurenga ! Ahari aho aryama none ntari butore agatotsi ! Yagize ati : ibyo abo bayobozi b’ i Kigali bakora ni amahano  masa .

Umwanzuro

Abashyitsi baraye Washington DC baje guhimbaza itangwa ry ‘iki gihembo ni benshi kandi baturutse hirya no hino ku isi, ndetse amakuru dukesha Lantos Foundation akaba yemeza ko abazinjira mu Cyumba cy’inama cya Congres hazabera ibi birori bashobora kuzarenga 300.

Gusa ikibazo benshi bakomeje kwibaza ni iki : ko iki gihembo gihawe Rusesabagina cyahuruje imbaga, hari icyo gishobora kumarira abanyarwanda bari ku ngoyi y’ingoma y’Agatsiko kayobowe na Paul Kagame?

Butera Ezechiel.

Correspondant wa Leprophete.fr i Washington, in HYPERLINK « http://www.leprophete.fr » http://www.leprophete.fr, le 16/11/2011

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :