HYPERLINK « http://www.leprophete.fr/2011/10/05/igihe-kirageze-ubutegetsi-bw-agatsiko-kateje-jenoside-ebyeri-kakaba-gatunzwe-no-konka-rubanda-bugomba-kuvaho-zelote-mahoro/ » l « permalink » o « Lien permanent vers IGIHE KIRAGEZE : Ubutegetsi bw’AGATSIKO kateje jenoside ebyeri, kakaba gatunzwe no KONKA rubanda, bugomba kuvaho. Zelote Mahoro »IGIHE KIRAGEZE : Ubutegetsi bw’AGATSIKO kateje jenoside ebyeri, kakaba gatunzwe no KONKA rubanda, bugomba kuvaho. Zelote Mahoro

Batayo y Abahanuzi nisobanurire n abana bato Ko Paul Kagame ari akamasa kazaca inka

Mu minsi ishize nabagejejeho ibitekerezo binyuranye bukubiye mu « Amabanga 77 ya politiki ». Mu minsi itarambiranye tuzongera dutekerereze hamwe muri gahunda nshya yitwa UBUCURABWENGE, izadufasha guhuza ibitekerezo n’ibikorwa.

Bimaze kugaragarira bose ko inyota irenze urugero y’ubutegetsi no gutunga ibya mirenge ya Paul Kagame n’Agatsiko ke ariyo Nyirabayazana y’akaga gakomeye kagwiriye u Rwanda n’Abanyarwanda :

(1)Intambara yatangiye le 1/10/1990 nta cyiza kindi yari igamije uretse guteza akaduruvayo mu Rwanda,gukuraho ubutegetsi bwageragezaga gufasha rubanda no kwimika ingoma mbi ya Paul Kagame ishingiye ku KINYOMA, GUSAHURA no KWIKUBIRA UMUTUNGO wose w’igihugu,KWIMAKAZA ITERABWOBA mu Rwanda no mu karere kose k’Ibiyaga bigari.

(2) Ubu noneho nta we utazi ko Paul Kagame ari we wateje nkana Jenoside yakorewe Abatutsi mu 1994, ubwo yiyemezaga guhanura indege ya Perezida Habyarimana kandi bari bamaze kumvikana ngo barambike intwaro hasi maze bashake amahoro ! Nk’uko Majoro Theogene Rudasingwa abihamya, Kagame si imfura, si umugabo, si n’intwari ahubwo ni inshakura mbi n’ikigwari ! Aha birumvikana ko Paul Kagame iyo yemera inzira y’imishyikirano jenoside itaba yarabaye ! We yahisemo kwica Habyarimana n’abo bari kumwe mu ndege kugira ngo jenoside ishoboke, ingabo z’igihugu ziheranwe n’iyicwa ry’Abatutsi, Amahanga arangarire jenoside y’Abatutsi, maze Kagame abone uko yifatira ubutegetsi BWOSE, atagombye kubusangira n’abandi Banyarwanda. Ubwe yivugiye ku mugaragaro ko « Abatutsi bo mu gihugu bagombaga kuba ibitambo », kugira ngo agere ku butegetsi mu nyungu ze bwite ! Bishatse kuvuga ko amaraso y’Abatutsi yamenekaga ntacyo yari amubwiye, icy’ingenzi kuri we kwari ugufata ubutegetsi . None ubutegetsi yarabufashe, turabona neza ko nta kindi abukoresha uretse KWICA no GUSAHURA! Iyo se niyo Demokarasi FPR yavugaga ko izaniye Abanyarwanda?

(3)Paul Kagame yakoze na Jenoside y’Abahutu muri Kongo nk’uko LONI ibimushinja muri Raporo MAPPING yasohotse taliki ya 1/10/2010. Ntitwiriwe tuvuga n’abandi Bahutu ibihumbi amagana yatsinze imbere mu Rwanda kandi nabyo akaba agomba kubibazwa n’ubutabera, umunsi yafashwe.

(4) Nta bundi butegetsi bwabayeyo mu Rwanda bwigeze bwica cyangwa bukicisha abaturage bageze kuri hafi miliyoni ebyiri, bugafunga abaturage ibihumbi amagana,bugashyira abaturage ku iterabwoba rikaze kandi rihoraho nk’uko turibona ubu mu rwagasabo !

IKIBAZO : Ubu butegetsi bubi cyane bwa Paul Kagame buzakomeza kwica Abanyarwanda urubozo kugeza ryari ?

IGISUBIZO : Igihe cyo kwisuganya ngo Abanyarwanda basezerere ingoma mpotozi ya Paul Kagame ni iki ngiki. Dore njye uko mbona intambwe ikwiye guterwa muri iki gihe, ikabanziriza kandi ikazaherekeza ukwisuganya kw’amashyaka ya politiki y’abaharanira ko ingoma y’abicanyi ivaho.

(1) Mu minsi ishize Abapadiri babiri b’inararibonye badushingiye Urubuga rwitwa LEPROPHETE –UMUHANUZI, rusubiza abanyarwanda ijambo , benshi baratinyuka bagaragaza ko batishimiye ingoma mbi ya Paul Kagame n’Agatsiko ke.

(2) Icyo twigiye kuri abo BAHANUZI babiri ni uko :

*Umunyarwanda wese ashobora gutsinda ubwoba maze akatura akavuga ibitagenda mu gihugu kandi ntahite apfa !

*Umuco mubi wo gukorera kuri baranyicani wo woretse uru Rwanda ukaba kandi ugiye kuduheza ku ngoyi y’ubutegetsi bw ‘umujenosideri amahanga yarangije gukuraho amaboko uzwi ku izina rya Paul Kagame.

*Umunyarwanda wese afite uburenganzira ndetse n’inshinganoyo kwivumbura ku butegetsi bubi no gukora uko ashoboye kose kugira ngo buveho kandi busimburwe n’ubutegetsi buha abenegihugu amahoro n’umutekano.

(2) Mu by’ukuri abo bapadiri babaye nk’abatwicira ijisho ko igihe kigeze cyo kwibohora ku ngoma y’IKINYOMA ya Paul Kagame ikomeje kuyogoza u Rwanda.

(3)Induru ndende ubutegetsi bwa Kagame bukomeje kuvuza ngo buramagana abo Bapadiri bacu yerekana ko INGOMA y’IKINYOMA ya Kagame yakomerekejwe bidasanzwe n’UKURI kugaragazwa n’Abahanuzi, bikaba bisobanuye ko iyo ngoma ishobora no GUHIRIKWA n’ABAHANUZI bonyine.

(4) Wowe Munyarwanda wese wiyumvamo AKAJINYA n’UBUSHAKE bwo kugira icyo wakora kugira ngo ingoma y’IKINYOMA ya Kagame iveho nawe ubwawe uri UMUHANUZI.

(5) Gusa rero ngo “umugabo umwe agerwa kuri nyina”. Kugirango ABAHANUZI bashobore guhirika iriya ngoma y’IKINYOMA bagomba kwishyira hamwe, bakarema ikintu nakwita   “BATAYO y’ABAHANUZI”.

(6) Iyi Batayo y’Abahanuzi izaba igizwe n’Abanyarwanda bose b’abakoranabushake, bishyize hamwe mu matsinda mato mato y’abantu batarenze umunani(8), biyemeje gushyira ubwoba ku ruhande maze bagahangara Ingoma y’ikinyoma bakora ibikorwa byerekana ko batayishyigikiye kandi ko biyemeje kuyihirika (Boycott et Actions de désobéissance civile). Buri Tsinda ryakorera mu bwigenge bwuzuye, rikagena igikwiye kigomba gukorwa, ridategereje amabwiriza aturutse hejuru. Doretumwe mu dukorwa tworoshye nyamara dushobora kugira ingaruka zashegesha Ingoma y’ikinyoma :

1. Kuzeguruka mu baturage mu ibanga, bakagezwaho amakuru abamurikira kandi abatinyura.

2. Kwanga kwitabira gahunda z’urugomo rukozwe na Leta mbi nko: kurandura imyaka y’abaturage, gusenya amazu y’abakene,n’ibindi nk’ibyo.

3. Nitwange gutanga imisanzu y’urukozasoni baduca hato na hato (umurenge SAKO…) Niduhagarike kubaha amafaranga yose bahora baduca, maze murebe ko badasara bakiruka ku musozi.

4. Kuko mu by’ukuri Agatsiko gakunda amafaranga kurusha abaturage, kutongera kugura ibicuruzwa bivuye mu nganda z’Umusahuzi Paul Kagame n’abambari bebyakwihutisha iherezo ry’ingoma ngome.

Urugero:

*Nimureke gupfusha ubusa udufaranga twanyu mugura amazi yitwa INYANGE,Kagame ajye ayanywa we n’umugore we gusa maze murebe ngo baramwaragurika.

*Nimucike ku ngeso yo gutanga amafaranga yanyu mugura AKEZA n’AGASHYA…, maze murebe ngo Kagame arashyira ubwenge ku gihe.

N’ibindi…

Umwanzuro

Ubutegetsi bw’ikinyoma butunzwe no KONKA abaturage bwa Paul Kagame nibunanirwa bugahirima ntacyo umuturage w’umunyarwanda azaba atakaje uretse imigozi yari yaramuhinduye nk’umucakara mu gihugu cye. Uko mbibona, habonetse abaturage bake beza( si ngombwa ko Abanyarwanda bose bahita babyitabira!) bafata icyemezo kidakuka cyo kwanga kuba MPEKABANDUMA, maze iryo shyano ryitwa AGATSIKO bahetse mu ngobyi bakarirambika hasi, Ingoma y’IKINYOMA yaba icyuye igihe bidasubirwaho.

Ngaho rero BATAYO y’ABAHANUZI, va hasi.

Zelote Mahoro.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :