HYPERLINK « http://www.leprophete.fr/2011/05/13/itangazo/ » l « permalink » o « Lien permanent vers ITANGAZO » ITANGAZO

HYPERLINK « http://www.leprophete.fr/2011/05/13/itangazo/ »

HYPERLINK « http://www.leprophete.fr/2011/05/13/itangazo/ »

Padiri Fortunatus na Padiri Thomas

« Basaserdoti b’Imana, nimusingize Uhoraho… »

 Bakunzi, Basomyi b’urubuga HYPERLINK « http://www.leprophete.fr/ » http://www.leprophete.fr  

Mugire Amahoro.

1. Tubashimiye ko musoma muri benshi inyandiko zitangazwa kuri uru rubuga rw’ubwisanzure.

 2. Tubashimiye ko mwandika namwe muri benshi : bamwe, mutwoherereza inyandiko n’amafoto dutangaza, abandi mukavuga icyo mutekereza ku byanditswe (commentaires). Ni byiza cyane.

3. Tubashimiye uburyo mwakomeje kwihangana kandi mukatuba hafi ubwo hagati y’italiki 5 n’iya 9/5/2011 abagizi ba nabi bateraga uru rubuga, bakarwangiza, rukamara iriya minsi itatu yose rudakora. Turashimira by’umwihariko urubyiruko rw’abasore n’inkumi  bajijutse mu by’ikoranabuhanga bakomeje kudutera inkunga ya tekiniki kugirango uru rubuga rwongere rukore bwangu.

4.Tubashimiye ibisubizo mwahaye urubuga http://www.igihe.com  ruvugira FPR-Inkotanyi ubwo taliki ya 12/5/2011 rwatangazaga inyandiko itubeshyera kandi iduharabika cyane yitwa ngo “ HYPERLINK « http://www.leprophete.fr/2011/05/12/rusizi-uretse-amacakubiri-yabarangaga-abapadiri-2-bandikira-leprophete-banavugwaho-kurya-utwa-rubanda/ » l « permalink » o « Lien permanent vers Rusizi:Uretse amacakubiri yabarangaga,abapadiri 2 bandikira leprophete banavugwaho kurya utwa rubanda » t « _blank » Rusizi : Uretse amacakubiri yabarangaga, abapadiri babiri bandikira leprophete banavugwaho kurya utwa rubanda” y’uwitwa Shaba Eric Bill. Uwaba atarasoma iyo nyandiko n’ibisubizo mwatanze yabisanga kuri uru rubuga, kuko ikimara gusohoka natwe twahereyeko tuyishyira kuri uru rubuga rwanyu  ku mpamvu y’uko  twiyemeje kutagira uwo tunigana ijambo, kabone n’udutuka cg. utuvuga nabi.

5.Muri iyi minsi ubutegetsi bw’igitugu bwa FPR bwatangiye gahunda ndende yo kuzenguruka mu giturage bakoresha abaturage b’inzego zinyuranye inama nyinshi zigamije kudusebya, kuduhimbira ibyaha tutakoze, mbese nk’uko basanzwe babigenza iyo bashaka kwikiza uwo bakeka ko abangamiye inyungu z’agatsiko kari ku butegetsi: ni benshi tuzi bagiye bagerekwaho ibyaha batakoze baba  Abanyarwanda cyangwa Abanyamahanga b’inzirakarengane.

Bakomeje gushyira ku nkeke n’iterabwoba  Abepiskopi ba Kiliziya gatolika yo mu Rwanda babategeka kudufatira ibihano byo mu rwego rw’idini kandi nta cyaha twakoze. Mu by’ukuri Abayobozi ba FPR barata igihe kandi baravanga ibintu : kubera ko bamenyereye kuniga Abanyarwanda b’inzirakarengane babacira imanza ku byaha by’ibihimbano,  barakeka ko no mu kiliziya bishoboka ! Oya ntibikabe, Kiliziya gatolika ntishobora kugwa muri iryo kosa ryo guhana umupadiri utacumuye bikomeye. Ntibishoboka.  

Bageze n’aho bakoresha iterabwoba rikaze ku miryango tuvukamo, bakohereza abasilikari mu ngo za benewacu hagamijwe kubatera ubwoba; bagahatira abavandimwe bacu gukora amatangazo ngo yo kwitandukanya natwe no kudushinja ibyo tutakoze,kuri radiyo no munyandiko, babakangisha ko nibatemera gusinya izo nyandiko zituvuga nabi bashobora kubafunga cyangwa bakabica. Iryo toteza bariho bakora ubwaryo ni icyaha gihanwa n’amategeko, gishobora kwitwa iyicarubozo!  

Igitugu nk’iki n’iterabwoba bizabe se ari byo  byerekana ya miyoborere myiza ikunze kuririmbwa n’agatsiko k’abari ku butegetsi bashyize imbere inyungu zabo gusa batitaye ku kababaro ka rubanda rugufi ? Dukwiye twese gukomeza kubyamagana no gushaka uko ubu buryo bwabo bubi bwo gukora politiki bwahinduka, mu nzira y’amahoro.  

6. Muri iyi minsi wagira ngo Abayobozi bakuru ba FPR barwaye muzunga : baririrwa baca ibikuba mu binyamakuru, kuri radiyo na televisiziyo by’Urwanda, babeshya abaturage ngo abapadiri ba Leprophete.fr Kiliziya gatolika yarabaciye, ngo yabirukanye mu mirimo yo kuba abashumba. Siko biri, barebeshyera Kiliziya gatolika. Turamenyesha Abanyarwanda bose ko tumeze neza: turakora ubutumwa bwacu uko bikwiye mu maparuwasi dushinzwe, abakirisitu dukorana baradukunze cyane n’abayobozi bacu baradushima. Nta kibazo na kimwe dufite uretse agahinda duterwa n’akarengane gakomeje kugirirwa rubanda rugufi mu Rwanda rwacu twese.  

7. Nta rwango twifitemo, nta burakari , nta macakubiri turanganwa, imitima yacu irakeye. Ahubwo FPR niyo ikunda amacakubiri kuko yayagize umurongo wa politiki isenya igihugu: dore nawe barongeye bahisemo guteranya abavandimwe ku mugaragaro (bo mu miryango yacu) ngo kugira ngo bakunde bahamane ubutegetsi! Ibyo biratwibutsa ibyo twabonye guhera ku munsi FPR yatangizaga intambara mu Rwanda,taliki ya 1/10/1990 : byari ngombwa ko Abanyarwanda, Abahutu n’Abatutsi bari basanzwe bagerageza kwibanira nk’abavandimwe, basubiranamo bikomeye kugira ngo FPR ikunde ibone uko ifata ubutegetsi (Reba ubuhamya bwa Abdul Ruzibiza). Ntacyo FPR itakoze ifatanije n’Interahamwe, kugirango Abanyarwanda bicane.  Ikimenyimenyi ni uko na nyuma yo gufata ubutegetsi, FPR yahisemo gusangira ubutegetsi n’Interahamwe zahekuye Urwanda, ikazikingira ikibaba ngo zidahanwa, nyamara Victoire Ingabire arafunze, Ntaganda Bernard yarakatiwe, Deogratias Mushayidi ari ku ngoyi, Andereya Rwisereka yaciwe umutwe….n’abandi benshi bafite umutima mwiza wo kunga Abanyarwanda bakomeje kwigizwayo no kumeneshwa no guteragizwa. 

Umurongo wa politiki FPR ishyize imbere na wo uragaragarira buri wese : Abanyarwanda bagomba guhora barebana ay’ingwe, ntibumvikane(Diviser pour régner). Ni yo mpamvu hibukwa bamwe mu bishwe bazira akamama abandi bagacecekwa kugira ngo ababo bakomeze babeho batariho, bahangayitse,  bahorane umutima udatuje. Hakomeje gutotezwa bamwe (Abahutu n’Abatutsi batemera ubugome n’uburiganya bw’abayobozi ba FPR) bagahindurwa abanzi b’igihugu! Harahanwa abicanyi bamwe (hinyongereyeho n’inzirakarengane nyinshi !)  abandi bicanyi ruharwa bagahabwa imidari ikwiye intwari, n’ibindi nk’ibyo bicuramye.  Ubwo se ukwiye kuregwa amacakubiri ni nde koko : ni Abapadiri ba Leprophete biyemeje guha umunyarwanda wese ijambo akavuga irimuri ku mutima cyangwa ni abayobozi ba FPR bakomeje uburiganya bwo guteranya  abavandimwe ngo babone uko bahama ku butegetsi ?

Umwanzuro:

Niba abayobozi ba FPR batisubiyeho mu maguru mashya, ngo bareke kwishuka bibwira ko Urwanda ari akarima kabo bacunga uko babyishakiye; niba  bataretse ngo Abanegihugu twese twishyire twizane mu Rwababyaye;

Abanyarwanda bashaka ukuri n’amahoro bakwiye kuva mu nzozi, bagatinyuka kwerekana ko barambiwe akarengane,  iterabwoba ribahora hejuru n’ihagarikamutima rya buri munsi bamazemo imyaka myinshi; bakwiye kujya ahagaragara bagaharanira uburenganzira bwabo.

Natwe tubijeje ko urubuga rwanyu HYPERLINK « http://www.leprophete.fr/ » t « _blank » http://www.leprophete.fr rutazatezuka ku ntego rwiyemeje yo kuba ijwi ry’abapfukiranwa.

Imana ibahe umugisha, iwuhe Urwanda n’Abanyarwanda bose, idukize abagome n’ibisambo, iduhe twese AMAHORO.

Padiri Thomas Nahimana

Padiri Fortunatus Rudakemwa

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :