Ni koko se : Gutoteza Kiliziya y’Urwanda byongeye gufata indi ntera ? Posté ce 07.01.2011

INCLUDEPICTURE « http://u.jimdo.com/www27/o/sab82ff30b53993fb/img/if089b92735e9cf5a/1294510502/std/abihaye-imana-bategetswe-kwitabire-gahunda-za-leta-n-iyo-zirenganya-abaturage.jpg » * MERGEFORMATINET Abihaye Imana bategetswe kwitabire gahunda za leta n’iyo zirenganya abaturage?

Nyuma yaho Perezida Kagame n’ishyaka rye riri k’ubutegetsi FPR bagaragarije ko batiteguye gukorana n’imiryango mpuzamahanga iharanira uburenganzira bw’ikiremwa muntu hamwe n’itangazamakuru nka Human Rights Watch, Amnesty International, Reporter Without Boaders hamwe na Committee to protect Journalist, igatukwa hirya no hino mu bitangazamakuru bya Leta abandi bakirukanwa mu gihugu nka Carlina Tertsakian, noneho abihaye Imana nibo batahiwe.

Amakuru atugeraho aturuka ahantu hizewe yemeza ko umukozi w’Imana Padiri Nsengiyunva Emile yafunzwe ku mabwiriza ya Perezida Kagame, ubwo yategekaga inzego za polisi kumufunga bamaze kumutwerera ibyaha.

Nkukwo tubikesha abantu bacu bizewe ngo Padri Nsengiyunva yari asanzwe yaranze kujya muri FPR nk’uko benshi mu abihaye Imana ba Kiliziya Gatolika bayihagarariye hirya no hino mu gihugu bagiye bahatirwa n’inzego z’umutekano kuyijyamo rwihishwa.

Mbere yamatora gato Padri yirinze kujya mu bikorwa bya politiki nk’uko umwuga we ubimutegeka, ariko akaba yarakomeje guhura n’igitutu gituruka kuri maneko za Kagame zihatuye, ari nako zimugenzura muri misa hamwe no mu rugo, dore ko bari bamaze kumwita “Aduyi”, ibi bikaba bikoreshwa ku banzi ba FPR.

Amakuru atugeraho na none akaba yemeza ko bari bamaze igihe kinini bamugenzura, ariko barabuze icyaha bamurega, dore ko noneho ngo Paruwasi ye ni imwe mu mirenge yagaragaje kudakunda Kagame mumatora aherutse, ibi byose ngo bikaba byaragiye k’umutwe wa Padri.

Nyuma y’igikorwa cyo gusenyera abaturage, kubera gahunda ya Leta ya Kagame icuramye, aho basenyera abaturage nyakatsi batababwira aho bajya kandi ari abakene nyakujya, byatumye Padri arakara, abibwira bamwe muri bagenzi be, ntiyamenya ko hari bamwe mu abihaye Imana hamwe n’abakristu basigaye bafitanye igihango na Kagame kurusha Imana, kubera inda nini.

Padri yaje kuyobora misa, ahumuriza abaturage basenyewe, anasaba abishoboye gufasha abo baturage bagenzi babo nk’uko Imana ibasaba gufashanya, anaboneraho kubabwira ko “Nta gushidikanya ko ibyo bigarasha byabasenyeye Imana izabihanira urugomo byakoresheje gusenyera ubwoko bw’Imana kandi vuba ”.

Inzego z’umutekano zihutiye gutwara report kwa Kagame ko Padiri yabise ibigarasha, anavuga ko Imana izabahana, banamwereka ko ari igikorwa cyo kwangisha abaturage ubutegetsi, kandi ko n’ubundi yari yaranze kujya muri FPR Inkotanyi hamwe n’ukuntu Paruwasi ye yabaye kwisonga mu kwanga kumutora .

Kagame yasabye ko uwo wihaye Imana ashakirwa ibyaha bigaragara, agahita afungwa byihutirwa, kandi ko bagomba kubikora mu buryo bitagaragara nk’igikorwa cyo guhohotera hamwe no kwibasira abihaye Imana bo muri Kiliziya Gatolika.

Amakuru atugeraho yemeza ko bafashe bamwe mu bakristu be bari basanzwe baba mu ntore za FPR hamwe n’abandi bakorana n’inzego z’umutekano, babatoza ibyo bagomba kuvuga bashinja Padri, babona kumuta muri yombi.

Itangazamakuru rya leta ryahawe amabwiriza yo guha ibiganiro za maneko n’intore zimushinja, kugira ngo agaragare nk’umwanzi w’igihugu kandi wanga gahunda za Leta, ariko mu by’ukuri yazize ko yanenze kandi akanamagana igikorwa kigayitse cyo gusenyera abaturage batabahaye aho bajya kandi ari abakene nyakujya. Padiri Nsengiyumva ni umwe mu bihaye Imana ufashe urugero rwa gitwari, akamagana ikibi hamwe n’ingoma ihohotera abaturage ashinzwe gufasha kuyoboka Imana.

Tukaba dusoza dusaba buri muntu wese ukunda Imana hamwe n’ukuri, gusabira Padri imigisha ku Mana kugira ngo imuhe ubutwari bwo kwemera gutotezwa azira ukuri n’ijambo ryayo, kabone niyo yakomeza kubizira, azaba agiye mu ntwari z’abihaye Imana bemeye gupfira abo Imana yabashinze hamwe n’ukurwanya ingoma y’igitugu kuri iyi si.

Yohana Kabanyana

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :