MUSANZE: Abaturage b’iNyange barambiwe kuyobozwa inkoni!

 abaturage_bo_muri_nyange_barasaba_kudakubitwa_foto_ngaboyabahizi_protais_-c9e18Uwavuga ko IKIBOKO cyagarutse mu Rwanda ntiyaba abeshye !  Aya marira y ‘abaturage ba Nyange ari mu tugari twose, mu Mirenge yose, mu Turere twose, mu Ntara zose, mu gihugu hose.  Kuba inkuru ibabaje nk’iyi ivuga akaga abaturage barimo itangazwa n’ikinyamakuru cya Leta, nk ‘IMVAHO, ni ukuvuga ko ibintu byageze iwandabaga !  FPR igaruye ikiboko mu Rwanda izuba riva ! Intambwe ikwiye gukurikiraho ni uko abaturage barambiwe gukubitwa nk’ibisimba bashira ubwoba, bakisuganya,  bakagwa gitumo abo bamotsi badashaka guhindura imikorere, maze nabo bakumvishwa uko inkoni iryana ! Guhera uwo umunsi uwahekwaga azigenza, umuturage yishyire yizane mu gihugu cye,  ahinge icyo ashaka mu isambu ye,  arye icyo akunze, aryame, asinzire. Birasaba gusa ko abaturage biyemeza kwirwanaho kuko nta wundi ubibabereyemo. Ubutegetsi bwa FPR burananiwe, igihe cyo kubuhindura cyararenze!!

Abaturage bo mu kagari ka Ninda, Umurenge wa Nyange mu karere ka Musanze barinubira ko bakubitwa n’abayobozi kubera kutumvikana ku guhinga ibihingwa byatoranyijwe bakavuga ko barambiwe guhora bakubitwa nk’inka kandi na zo zitagikubitwa.

Nyirantarama Venantie wo mu kagari ka Ninda yagize ati “Kuri ubu nta bwisanzure umuturage wo mu murenge wa Nyange afite. Buri gihe turakubitwa ngo kubera twahinze amasaka, na we wabonye aho umuturage ayobozwa inkoni n’inka na zo kuva zororerwa mu biraro ntizigikubitwa?”

Aba baturage bemeza ko uburyo bwiza bakabaye bayoborwamo ari ukubabwira akamaro ko guhinga ibihingwa byatoranyijwe kuko bo babona amasaka ari yo abafitiye akamaro kandi atanga umusaruro mu murenge wabo.

JPEG - 167.3 kb
Abaturage bomu murenge wa Nyange barasaba kudakubitwa (Foto Ngaboyabahizi Protais)

Ikibatungura ni uko iyo bagerageje kugaragaza uruhande baherereyemo bajyanwa ku murenge maze abagize DASSO bakabahuka kugeza igihe bemeye ibitabarimo…. “turasaba ko tutakomeza kuyoboreshwa inkoni kuko ibyo mbona biba ino ntibiba ahandi.”

Umunyamabanga Nshingwabikorwa w’Umurenge wa Nyange Nteziryayo Emmanuel yagaragaje ko gukubita umuturage atari byiza anihaniza ababikora.

Yagize ati “Umuti ukwiye ntabwo ari uko umuturage akubitwa mu gihe anyuranije n’amabwiriza gukubita umuturage ni ikosa rikomeye abayobozi bose bakwiye kubyirinda. Ahubwo umuturage akwiye kwigishwa ku neza muri gahunda iyo ariyo yose y’iterambere yakora amakosa akabihanirwa ariko dakubiswe; Tugiye kuganira na bamwe mu bayobozi bafite umuco mubi wo gukubita umuturage.”

Abaturiye Umurenge wa Nyange bavuga ko iki kibazo n’iyo bagiye ku kibaza ubuyobozi bw’akarere cyangwa intara mu gihe bwabasuye bahohoterwa bagafatwa nk’abagandisha abandi abaturage.

Yanditswe na Ngaboyabahizi Protais.

In POLITICS  

Laisser un commentaire

Votre adresse de messagerie ne sera pas publiée.