« Abatutsi nibo bahabwa akazi gusa muri iki gihugu, abana bacu barakabuze… »

Gakenke-696x464-2

Bamwe mu baturage bo mu Kagari ka Rutabo, Umurenge wa Mugunga mu Karere ka Gakenke bari mu biganiro ku kwibuka Jenoside yakorewe abatutsi mu Rwanda(Ifoto/Umurengezi R)

 

« Abatutsi nibo bahabwa akazi gusa muri iki gihugu, abana bacu barakabuze »…

Aya magambo dusanga mu nkuru   y’ Izubarirashe yo kuwa 13/4/2016 aratwereka  uko  abaturage  bamaze  kurambirwa  ivangura  n’akarengane  bagirirwa  basigaye  batobora  bakavugira  mu  ruhame!

1.Umukecuru  Nyirabarinda  Angelina w’imyaka 70 , utuye umurenge wa Busengo, aramagana  ashize amanga irondakoko  riha  abana  b ‘Abatutsi bonyine  amahirwe  yo kubona  akazi! ! Ese ibyo uyu mukecuru  avuga hari utabibona?  Kwihutira  kumufunga  no kumugerekaho « icyaha-baringa  » cy’ingengabitekerezo  ya Jenoside se  nibyo  bikuraho  aka  karengane  kahawe  intebe?

2.Rwangano Aimable, umukozi ushinzwe imibereho y’abaturage mu Murenge wa Muzo mu Karere ka Gakenke, aragaya yivuye inyuma  abo  yamaze  kubona  ko bitwikira  iki gihe  cy’icyunamo  bagakina  ikinamico  yo  « kwihahamukisha » kugirango  bakururire abandi  ibibazo(Mwibuke ibyo Depite Bamporiki yakoze kuri  Sitade amahoro,  umwaka  ushize! !!).  Aho gushinja Aimable ingengabitekerezo,  uyu muyobozi mwiza yari akwiye  kuzamurwa  mu  ntera  maze  gahunda yo  kurwanya  aya « makinamico »  rubanda imaze  kurambirwa igashyirwa mu bikorwa  mu  rwego rw’igihugu cyose.

3. Hirya y ‘ibigaragara.

Buri mwaka,  mu gihe cy’icyunamo, tumenyereye  ko hari abaturage benshi bo mu bwoko bw ‘Abahutu  bahabonera ishyano : barakubitwa,  bagafungwa,  bagasenyerwa abandi bakaraswa izuba riva.

Nibimenyekane neza ko ibi bikorwa by’urugomo bikorwa  na  Leta  y’Agatsiko biba bigendereye intego ebyiri z’ingenzi:

Iyambere  ni ugukomeza guhembera icyoba n’akariro k’irondakoko mu mitima y’abaturage bo mu bwoko bw’ Abatutsi bumvishwa  ku ngufu ko ngo Abahutu bose bagifite ingengabitekerezo ya jenoside, ko amaherezo nibabona ubutegetsi bazongera bakica Abatutsi ! Biteye agahinda, abantu bahinduwe  nka  za mbeba bita Kobaye zikorerwaho  ubushakashatsi muri  Laboratoire!

Intego ya kabiri  ni ugukomeza gucengeza icyuka cy’iterabwoba mu mitwe y abaturage bo mu bwoko bw’Abahutu kugirango ngo hato badatinyuka  kwamagana  akarengane kenshi cyane bagirirwa  bityo bakaba banatekereza kwisuganya ngo birenganure. Niyo mpamvu bakomeza  gucunaguzwa,  gucishwa bugufi, gihindurwa  urwamenyo!

Muri iki cyunamo  tuzabagezaho amakuru  yerekana uko byifashe mu mirenge yose y’igihugu maze mwirebere ukuntu  ibiri gukorerwa umukecuru Nyirabarinda Angeline  na  Rwangano Aimable ari « gahunda  ya Leta » irimo gushyirwa mu bikorwa mu gihugu cyose.

Angelina na Aimable sibo  babi!  Ikibi si ukwatura bakavuga ibyo babona,  igiteye inkeke  ni akarengane n’ivanguramoko  bikomeje kwimikwa  mu gihugu.  Umwenegihugu wese ushyira mu gaciro yagakwiye guterwa ishema no gutanga umuganda we mu kubirwanya.

Twizeye ko abaturage batari butererane  Nyirabarinda Angelina na Aimable,  ahubwo bakomeze bakurikirane ibyabo.

 

Padiri  Thomas Nahimana,

Ishema ry’u Rwanda.

 

In POLITICS  

Laisser un commentaire

Votre adresse de messagerie ne sera pas publiée.